Úrslitakeppni TAKK

Að undanförnu hefur mikið verið í umræðunni hvort úrslitakeppni í handboltanum eigi rétt á sér eða ekki.  Ég gjörsamlega skil ekki rök þeirra sem eru fylgjandi núverandi fyrirkomulagi.  Talað er um að úrslitakeppnin hafi verið að eyðileggja íþróttina á sínum tíma með alltof fáum áhorfendum.  Ég spyr, hafa þessir menn komið á leiki í vetur???  Ekki hefur þar verið margt um manninn.  Ég er 100% fylgjandi úrslitakeppni og er ég nú ekki nýliði í íþróttinni, hef spilað handbolta í 25 ár og þar af í meistaraflokki í u.þ.b. 18 ár.  Hvað mætingu á leiki míns liðs varðar þá þori ég að fullyrða að þeir fáu sem mæta alltaf á leiki í dag, mættu flestir líka á leiki í deildinni þegar úrslitakeppnin var við líði.  Málið var hins vegar það að þegar að sjálfri úrslitakeppninni kom þá margfaldaðist fjöldinn.  Ef við sleppum svo aðeins að hugsa eingöngu um áhorfendafjölda og veltum fyrir okkur skemmtanagildinu þá er ekki hægt að líkja þessu tvennu saman.  Haukastrákarnir kláruðu titilinn á dögunum, frábært hjá þeim, en eitthvað fór nú lítið fyrir umfjölluninni og það eru nota bene 4 „tilgangslausir“ leikir eftir.  Spennan er aðeins meiri í kvennaboltanum þetta árið en samt sem áður hafa öll liðin nema kannski efstu þrjú nánast ekki haft að neinu að keppa næstum hálft tímabilið.  Í gamla daga var þó hægt að berjast um að komast í átta liða úrslit og jafnvel valda usla þar þrátt fyrir að hafa ekki getað mikið allan veturinn.  Það muna margir eftir viðureignum Hauka og Stjörnunnar í kvennaflokki þar sem a.m.k. tvisvar þurfti að grípa til oddaleikja í úrslitakeppninni.  Þetta var ólýsanleg upplifun bæði fyrir okkur leikmennina og einnig fyrir áhorfendur, ég þori að fullyrða það.  Þarna mætti fólk og gargaði úr sér lungun, felldi tár og stóð að baki sínu liði.  Þarna var gaman að spila handbolta.  Þarna fylgdust fjölmiðlar vel með úrslitakeppninni.  Margir leikir voru sýndir beint (meira að segja á virkum kvöldum) og íþróttablöðin voru stútfull af myndum og fréttum af viðureignunum.  Ég heyri á fólki í kringum mig að það hreinlega nennir ekki lengur að fylgjast með handboltanum.  Af hverju var t.d. ekki leikur Hauka og Fram á föstudaginn sýndur í beinni og gert meira úr honum???  Af hverju er lykilleikur Fram og Vals í kvennaflokki á fimmtudaginn ekki sýndur í beinni???  Mín skoðun er sú að þetta fyrirkomulag er að drepa íþróttina.  Í dag eru það aðeins bikarúrslitaleikirnir sem eitthvað varið er í. 

Ástæðan fyrir því að ég ákvað að tjá mig um þetta er sú að ég horfði á úrslitakeppnina í körfuboltanum í gær.  Ég missti mig yfir Snæfell-Grindavík og fór að hugsa til baka.  Ohh... hvað þetta var nú alltaf gaman þegar þessar úrslitarimmur stóðu sem hæst.  Núna er ég meira spennt fyrir því að horfa á úrslitakeppnina í körfubolta í sjónvarpinu heldur en að mæta á þessa síðustu leiki í deildinni, það segir nú meira en mörg orð. 

Mín skoðun:  Úrslitakeppnina aftur TAKK!!!

Ég hvet leikmenn eindregið til að tjá sig um þetta mál því hingað til hefur ekki heyrst mikið í okkur heldur aðeins í forráðamönnum HSÍ, forráðamönnum félagana, þjálfurum og ekki síst blaðamönnum.

 

Lengi lifi handboltinn

Harpa Melsteð


Bæ bæ Breezer

Týpískt að uppáhalds áfengi drykkurinn minn sé orðinn að djúsiDevil.  Hver nennir að þamba endalaust af "gosi" með örlitlu áfengismagni ef tilgangurinn er að finna aðeins á sér??  Þetta er góður drykkur að gæða sér á en come on 4%, það tekur því ekki og hvað þá fyrir þetta verð.  Mig minnir að flaskan kosti 700 eða 800 krónur á bar.  Eigum við að ræða það eitthvað???

Frekar fyndið að Ásgeir Kolbeins sé inntur álits í þessu máli, hahahaha....... Er bara sjálfgefið að fólk viti hver hann er????????


mbl.is Leiðrétting og afsökunarbeiðni
Tilkynna um óviðeigandi tengingu við frétt

Góð Katie

Mér finnst nýja lagið hennar bara fallegt.  Það er eitthvað svo
þægilegt og seiðandi.  Mér finnst textinn líka ótrúlega
flottur.  Þessi stelpa á örugglega eftir að ná mjög langt.
mbl.is Ekki bara ung og sæt
Tilkynna um óviðeigandi tengingu við frétt

Alltaf stefnt á toppinn

Þarna er ég sammála Hansínu minni, að sjálfsögðu er alltaf stefnt á toppinnSmile .  Það er fínt að vera spáð öðru sætinu en það er að sjálfsögðu okkar að sjá til þess að sú spá rætist ekkiDevil .
mbl.is Hanna G. Stefánsdóttir fyrirliði Hauka ekki sammála spánni: Ætla að verða í fyrsta sæti
Tilkynna um óviðeigandi tengingu við frétt

Mögnuð Norah

Tónleikarnir í gær voru í einu orði sagt stórkostlegirSmile.  Norah Jones sýndi okkur þarna hve frábær listamaður hún er.  Ekki nóg með að hún hafi ótrúlega rödd heldur spilaði hún einnig á a.m.k. fimm mismunandi hljóðfæri.  The Handsome Band sem spilaði með henni kom skemmtilega á óvart, þarna voru greinilega þaulvanir tónlistarmenn á ferð.  Þetta var svo afslappað hjá þeim og ótrúlega "pro" að mér fannst á tímabili að ég gæti alveg eins verið að hlusta á þetta af diski því ekki var að heyra eina feilnótu.  Norah kom ótrúlega vel fyrir, heillandi og sjarmerandi persóna.  Hún sagðist hafa smakkað pyslu á Bæjarins bestu og ætlaði að fá sér aðra í morgunmat eftir að hún væri búin að sofa útWink.

Tónleikarnir fá hæstu einkunn hjá mér, snilldin ein í alla staðiSmile.  Eina sem ég get mögulega sett út á var að ég saknaði þess að heyra ekki lagið "Don't know why!" sem er lagið sem kom henni upprunalega á kortið. 

Það er synd hvað fáir gátu séð þessa frábæru söngkonu í þetta sinn en ef hún kemur aftur til Íslands þá verð ég fyrst til að tryggja mér miðaWink.


mbl.is Norah Jones í Laugardalshöll
Tilkynna um óviðeigandi tengingu við frétt

Frábær leikur

Það er oft sagt að hið fræga dagsform skipti sköpum í íþróttum.  Það kom heldur betur á daginn um helgina.  Við Haukastúlkur steinlágum fyrir Stjörnustúlkum á Rvk-Open á laugardaginn og töpuðum með 9 mörkum.  Við hysjuðum heldur betur upp um okkur brækurnar á sunnudeginum og náðum að sigra þær með 6 mörkum í frábærum leik af okkar hálfuSmile .  Vörnin var frábær og allar stóðu sig með miklum sóma.  Leikgleðin skein úr hverju andliti enda var kominn tími til að ná Stjörnustúlkum niður úr skýjunum eftir mjög gott gengi þeirra að undanförnu.  Vonandi eru þetta fyrirheit um það sem koma skal í vetur hjá okkur Hauka"druslum" eins og við erum svo oft kallaðar.  Þetta var a.m.k. óendanlega gaman í gær og minnti mig enn og aftur á það af hverju ég er enn að skrönglast í þessum bolta á "gamals" aldriWink .
mbl.is Haukakonur meistarar meistaranna
Tilkynna um óviðeigandi tengingu við frétt

Meistarar meistaranna

Þá er handboltavertíðin loksins að byrjaSmile.  Vertíðin hefst ávallt á leik Íslandsmeistara og bikarmeistara frá síðasta ári, þ.e. leikur um það hverjir verða meistarar meistaranna. 

Leikirnir verða í Ásgarði Garðabæ í dag, sunnudaginn 2.september:

Í kvennaflokki, Stjarnan-Haukar, kl:18

Í karlaflokki, Stjarnan-Valur, kl:20 

 

Ég hvet alla handboltaunnendur og aðra íþróttaunnendur til að skella sér á völlinnWink.

 


Einn enn, hrikalega er þetta sorglegt

Mér finnst svo stutt síðan annar ungur knattspyrnumaður hneig niður á vellinum eftir að hjartað gaf sig.  Hvað er í gangi hér???  Er um leyndan hjartagalla að ræða eða eru einhver ólögleg lyf í spilunum?  Ótrúlegt að knattspyrnumaður í toppformi í einni bestu deild heims skuli hníga niður sísvona.  Svo ekki talað sé um allar læknisskoðanirnar sem þessir gaurar þurfa að standast til að vera gjaldgengir.

Hrikalega er þetta sorglegt Frown


mbl.is Puerta, leikmaður Sevilla, er látinn
Tilkynna um óviðeigandi tengingu við frétt

Brjálaðir geitungar

Lítið hefur farið fyrir blessuðum geitungunum þetta sumarið.  Mér til mikillar óánægju hafa þeir þó eitthvað verið að stinga upp kollinum að undanförnu.  Ég þurfti til dæmis heldur betur að taka til fótanna á nýju háhæluðu skónum mínum fyrir framan Fríkirkjuna um helgina á meðan ég beið eftir að nýbökuð brúðhjón kæmu út.

Mér blöskraði svo heldur betur þegar ég mætti skelfingu lostnum leikskólakennara dóttur minnar áðan  þegar ég sótti hana.  Fyrr um daginn hafði hópur stúlkna farið út í hraun að leika sér og endaði það heldur betur með ósköpum.  Eitthvað hafa þær truflað geitungakvikindin þar sem heil hersing réðst að litla stúlknahópnum.  Það fór ekki betur en svo að tína þurfti 12 brodda úr einni snótinni og var sú stutta send heim enda í algjöru sjokki greyið.  Ég hefði tryllst í orðsins fyllstu merkingu ef slíkur her réðist að mér eða dóttur minni.

Í guðs bænum fariði varlega þar sem þessir hvimleiðu brjálæðingar eru á ferð. 


Nýliði

Ég hef lengi dundað mér við að blogga á öðrum vígstöðvum.  Ég ákvað að prófa þetta dæmi þar sem ég hef mjög gaman af því að skoða annarra manna blogg hér á blog.is.  Vonandi mun ég hafa eitthvað gáfulegt fram að færa Wink .

Innskráning

Ath. Vinsamlegast kveikið á Javascript til að hefja innskráningu.

Hafðu samband